TIL HAMINGJU. Skáksveit Rimaskóla keppir á Norðurlandamóti skáksveita barnaskóla í Finnlandi í september nk. haust eftir að hafa sigrað á Íslandsmóti barnaskólasveita árið 2025. Þetta var fjölmennasta Íslandsmót barnaskólasveita til þessa og var haldið í Rimaskóla á dögunum. Alls settust 160 krakkar að tafli í íþróttahúsi skólans og áhuginn skein úr andliti allra. Þetta var hörkukeppni. Myndin hér að ofan er af A-sveit Rimaskóla, Íslandsmeisturunum 2025. Frá vinstri. Sigrún Tara, Emilía Embla, Emilía S. og Tristan Fannar. Mikið óskaplega getum við Grafarvogsbúar annars verið stoltir af skákáhuganum í hverfinu en þar hefur Helgi Árnason , fyrrum skólastjóri í Rimaskóla, unnið algert þrekvirki við að halda utan um starfið til margra ára. Hann er formaður skákdeildar Fjölnis. Rimaskólakrakkar fóru á algjörum kostum í mótinu. A-sveit skólans varð Íslandsmeistari 2025 eftir glæsilegan sigur í æsispennandi skákmóti. Tefldar voru 8 umferðir. Rimaskólakrakkar náðu forystu eftir 6 umferðir, bættu í og fengu 7 vinninga úr 8 síðustu skákunum. Allar Rimaskólasveitirnar komust á verðlaunapall og allir æfa krakkarnir Skákdeild Fjölnis; Íslandsmeisturum félagsliða. Það verður A-sveit skólans sem teflir á Norðurlandamótinu í Finnlandi í september. Úrslitin urðu annars þessi: A-sveit Rimaskóla - Íslandsmeistarar 2025 B-sveit Rimaskóla - 1. sæti B-sveita. C-sveit Rimaskóla - 1. sæti C-sveita. D-sveit Rimaskóla - 1. sæti D- sveita. (Erum því miður ekki með mynd af B-sveitinni).
TIL HAMINGJU. Skáksveit Rimaskóla keppir á Norðurlandamóti skáksveita barnaskóla í Finnlandi í september nk. haust eftir að hafa sigrað á Íslandsmóti barnaskólasveita árið 2025. Þetta var fjölmennasta Íslandsmót barnaskólasveita til þessa og var haldið í Rimaskóla á dögunum. Alls settust 160 krakkar að tafli í íþróttahúsi skólans og áhuginn skein úr andliti allra. Þetta var hörkukeppni. Myndin hér að ofan er af A-sveit Rimaskóla, Íslandsmeisturunum 2025. Frá vinstri. Sigrún Tara, Emilía Embla, Emilía S. og Tristan Fannar. Mikið óskaplega getum við Grafarvogsbúar annars verið stoltir af skákáhuganum í hverfinu en þar hefur Helgi Árnason , fyrrum skólastjóri í Rimaskóla, unnið algert þrekvirki við að halda utan um starfið til margra ára. Hann er formaður skákdeildar Fjölnis. Rimaskólakrakkar fóru á algjörum kostum í mótinu. A-sveit skólans varð Íslandsmeistari 2025 eftir glæsilegan sigur í æsispennandi skákmóti. Tefldar voru 8 umferðir. Rimaskólakrakkar náðu forystu eftir 6 umferðir, bættu í og fengu 7 vinninga úr 8 síðustu skákunum. Allar Rimaskólasveitirnar komust á verðlaunapall og allir æfa krakkarnir Skákdeild Fjölnis; Íslandsmeisturum félagsliða. Það verður A-sveit skólans sem teflir á Norðurlandamótinu í Finnlandi í september. Úrslitin urðu annars þessi: A-sveit Rimaskóla - Íslandsmeistarar 2025 B-sveit Rimaskóla - 1. sæti B-sveita. C-sveit Rimaskóla - 1. sæti C-sveita. D-sveit Rimaskóla - 1. sæti D- sveita. (Erum því miður ekki með mynd af B-sveitinni).
LISTAVERK. Það er með eindæmum ánægjulegt hversu mikill skákáhugi er hjá ungu kynslóðinni í Grafarvogi og þar á Helgi Árnason, fyrrum skólastjóri í Rimaskóla, mesta heiðurinn af mörgum sem leggja hönd á plóginn í þessari göfugu íþrótt. Þessa mynd frá helga rákumst við á og sýnir að það er gaman á æfingum - það er líka fyrir mestu. Þessar tvær stúlkur fengu þá hugmynd að búa til listaverk úr kössunum utan af skákklukkunum. Byrjuðu að raða þeim upp og spennan gekk út á hersu hátt væri hægt að raða án þess að listaverkið gæfi eftir. Stórskemmtileg mynd. Vel gert! Og auðvitað fáum við að sjá myndina þar sem listaverkið er í fullri stærð með þessum stoltu listamönnum.
15 ára markvörður meistaraflokks. Hún var athyglisverð fréttin sem Fjölnismenn settu inn um Frosta Hjaltason, 15 ára markvörð 3ja flokks Fjölnis, um að hann hefði leikið sinn fyrsta leik með meistaraflokki karla nú á dögunum. Frosti, sem er fæddur árið 2010, kom þá inn á í æfingaleik gegn HK og átti flotta innkomu. Þess má geta að Frosti er á yngra árinu í 3. flokki.
Fjölniskonur urðu í kvöld Íslandsmeistarar í íshokkí kvenna eftir 2:1-sigur á SA á Akureyri í kvöld. Þær unnu úrslitaeinvígið 3-1 og höfðu titil að verja. Íslandsmeistarar annað árið í röð. Til hamingju og glæsilegt Fjölniskonur, þið eruð frábærar! Leikurinn byrjaði með látum og var talsverð harka í leiknum.Staðan fyrir lokaleikhlutann var 2:0 fyrir Fjölni og fátt í spilunum annað en að Íslandsmeistarar yrðu krýndir eftir leik. SA-konur sóttu nokkuð stíft í þriðja leikhlutanum og uppskáru mark. En lengra komust heimakonur ekki þær ekki þrátt fyrir ákafan sóknarleik í lokin. Glæsilegt hjá Fjölniskonum. Grafarvogur.net óskar ykkur enn og aftur; til hamingju. (Meðfylgjandi mynd tók Egill Bjarni Friðþjónson).
Skák og mát. Það er svo sannarlega fyllsta ástæða til að vekja athygli á hinum mikla skákáhuga í Grafarvogi - og hann skilar sér svo sannarlega í sætum sigrum; titlum, tilhlökkun og ánægju. Þannig fóru Rimaskólakrakkar með himinskautum á Reykjavíkurmóti grunnskóla 2025 á dögunum og tóku alla titlana. Mótið er samstarfsverkefni ÍTR og TR. Alls mættu 30 krakkar úr Rimaskóla á barnaskólastigum. Teflt var í tveimur flokkum, 1. - 3. bekk og 4. - 7. bekk. Tefldar voru 7 umferðir og verðlaunagripir og nokkrir bikarar í boði. Í stuttu máli þá unnu skáksveitir Rimaskóla alla bikarana nokkuð örugglega. Áhugi og ánægja einkenndi alla þá rúmlega 30 krakka sem tefldu fyrir Rimaskóla og smitaðist sú gleði inn í foreldrahópinn sem fylgdist vel með og mætti með krökkunum á skákstað. Meðfylgjandi myndir eru af verðlaunahöfum og Rimaskólakrökkum að tafli. Vel gert; til hamingju Rimaskóli!
Fjölnir er Íslandsmeistari í skák 2025, annað árið í röð. Helgi Árnason, fyrrum skólastjóri í Rimaskóla, stofnaði skákdeildina fyrir 21 ári og hefur hið mikla uppbyggingastarf heldur betur skilað árangri. Íslandsmeistarar skákklúbba tvö ár í röð. Glæsilegt. Skákdeild Fjölnis hafði mikla yfirburði og sigraði í öllum tíu viðureignum Úrvalsdeildar líkt og í fyrra. Oliver Aron Jóhannesson með besta vinningshlutfall allra keppenda í mótinu - eða með hvorki meira né minna en 9 vinninga af 10 mögulegum!! (8 sigrar og 2 jafntefli.) Myndin hér að ofan er af nýkrýndum Íslandsmeisturum. Til hamingju Fjölnismenn. Mikið afrek!
Síðari hluti Íslandsmóts skákfélaga 2024-25 hófst í gærkvöldi í Rimaskóla með sjöttu umferð í úrvalsdeild. Fjölnismenn herða tökin og halda áfram að sigla lygnan sjó í átt að titilvörn sinni á Íslandsmóti Skákfélaga. Fjölnismenn lögðu TG að velli en á sama tíma töpuðu einu sveitirnar sem áttu fræðilegan möguleika á að ná Fjölnismönnum, TR og KR, sínum viðureignum. Fjölnismenn hafa 5 stiga forskot og þörf er á kraftaverki svo þeir verji ekki Íslandsmeistaratitil sinn. Áfram Fjölnir! Teflt er í Rimaskóla í kvöld, föstudagskvöld, og um helgina á laugardag og sunnudag.
