Það er öflugt starf hjá Golfklúbbi Reykjavíkur og eru kylfingar farnir að hlakka til sumarsins. Opnað hefur verið fyrir skráningar í barna- og unglingastarf klúbbsins fyrir árið 2025. Gengið er frá skráningu og greiðslu í barna- og unglingastarfið í gegnum XPS félagakerfi og er hægt að nýta frístundastyrk sveitarfélaganna til greiðslu. Þá er ECCO-púttmótaröðin í fullum gangi og var fjórða umferðin spiluð á dögunum. „Ásgeir Karlsson, í liði 7, og Óliver Hlynsson, liði 32, léku best í fjórðu umferð, eða á 53 púttum, sem er mjög gott skor þar sem menn vildu meina að völlurinn hefði verið með erfiðasta móti þó þeir tækju ekki eftir því . Lið 7, með Ásgeir innanborðs, lék best um á 108 púttum,“ segir í frétt á heimasíðu GR.