15 ára strákur í marki meistaraflokks Fjölnis
24. mars 2025
15 ára markvörður meistaraflokks.
Hún var athyglisverð fréttin sem Fjölnismenn settu inn um Frosta Hjaltason, 15 ára markvörð 3ja flokks Fjölnis, um að hann hefði leikið sinn fyrsta leik með meistaraflokki karla nú á dögunum.
Frosti, sem er fæddur árið 2010, kom þá inn á í æfingaleik gegn HK og átti flotta innkomu.
Þess má geta að Frosti er á yngra árinu í 3. flokki.
