Bátur mátar sig við kirkjuna - smá myndadans í kringum kirkjuna í Stykkishólmi

Grafarvogur.net var á ferð í Stykkishólmi í dag. Það var kaldara þar og meiri blástur en í borginni. En Stykkishólmur er með fallegustu bæjarstæðum landsins og kirkjan þar tilkomumikið kennileiti líkt og í mörgum bæjarfélögum.

Kirkjan var vígð 1990 og sést víða að. Hér kemur smá myndadans af henni frá nokkrum sjónarhornum og ekki laust við að báturinn í víkinni máti sig við guðshúsið - nema það sé hið gagnstæða.

Hólmurinn er svo sannarlega fallegur - og býður upp í dans. - JGH